| پەرلەمانی عێراق متمانە لە مەسعود بارزانی دەسەنێتەوە |
| 13:47:00 20/9/2012 |
2600 جار خوێندراوەتەوە |
|
پەرلەمانتارێكی دەوڵەتی یاسا ئاشكرایدەكات، كە لە هەفتەی داهاتو وە و دەستدەكەن بە كۆكردنەوەی ئیمزا بۆ لێسەندنەوەی متمانە لەمەسعود بارزانی، بە هۆكاری پێشێلكردنی دەستور و دەروازە سنوریەكان و گرێبەستی نەوت و راهێنانی جەنگاوەرانی سوریا لەكوردستان.
حسێن ئەسەدی پەرلەمانتاری ئیئتلافی دەوڵەتی یاسا بە سۆمەرییەنیوزی راگەیاند، بەرپرسانی كورد بە تایبەتی مەسعود بارزانی سەرۆكی هەرێمی كوردستان لە لوتكەی تێپەڕاندنی هەموو سنورەكانی نێوان هەرێم و ناوەند دان، بە هۆی كردنەوەی دەروازە سنورییەكان و رێككەوتنی نهێنی نەوت و مەشقكردن بە جەنگاوەرانی سوریا لەكوردستان و قەدەغەكردنی هێزەكانی عیراق، لەكاتی بڵاوبونەوەیان لەناوچەكانی ژێر دەسەڵاتی حكومەتی ناوەندیدا.
ئەسەدی راشیگەیاند، پەرلەمانتارانی ئەنجومەنی نوێنەرانی عیراق لەهەفتەی داهاتوە وە دەست دەكەن بە كۆكردنەوەی واژۆ بۆ لێسەندنەوەی متمانە لەبارزانی لەبارەی دەستدرێژی و پێشێلكارییەكانیەوە و ئاماژە بۆ ئەوەشدەكات، ماوەیەك پرسی لێسەندنەوەی متمانە لەبارزانی لەئارادایە، بەڵام سەرۆكایەتی پەرلەمانی عیراق ئامادەی ئەم بابەتە نەبوو، جگە لەوەی دەستپێشەریمان بۆ سەرۆك كۆمار هێشتەوە، بۆ ئەوەی كۆنگرەی نیشتمانی ببەستێت و رەوشەكە ئارام بكاتەوە.
رۆژی29ی مانگی تەمموزی ئەمساڵ دەزگاكانی راگەیاندن بڵاویانكردەوە، كە زیاتر لە25 واژۆ بە مەبەستی بانگهێشتكردنی بارزانی بۆ ئەنجومەنی نوێنەرانی عیراق كۆكراوەتەوە. |
|